Fyrir rétt rúmu ári gerði Landssamband kúabænda samkomulag við Landbrugets Rådgivningscenter (LR) um að allir íslenskir kúabændur gætu fengið ókeypis aðgengi að gagnagrunni dönsku samtakanna. Samkomulagið felur í sér að eingöngu bændur megi nota tenginguna. Benda má á að samkomulagið opnar einnig möguleika fyrir aðra bændur að fá aðgengi að gagnagrunninum og er á vefnum mikið af upplýsingum bæði fyrir svína-, alífugla-,

sauðfjár- og hrossabændur.

Um vef LR (www.lr.dk)

Vefnum er skipt upp í fjóra kafla; Landbrugets Rådgivningscenter, Landbrugsinfo, Bedriftslösning og Produkter.

Í kaflanum um Landbrugets Rådgivningscenter er hægt að finna allar fréttir, upplýsingar um ráðgjafaþjónustuna, útgáfustarf ofl.

Í kaflanum um LandbrugsInfo eru helstu upplýsingar um landbúnað fyrir bændur og m.a. þar mikið magn af fagupplýsingum um nautgriparækt, byggingar, ræktun ofl.

Í kaflanum um Bedriftslösning eru ýmsar upplýsingar um forritið Bedriftslösning, sem er einkonar heildarlausn fyrir danska bændur þar sem þeir geta haldið allar upplýsingar um sitt bú, hvort sem er kynbótaskýrsluhald, bókhald, áburðarnotkun ofl. þ.h.

Í kaflanum um Produkter eru svo upplýsingar um allt efni sem gefið er út af LR og er hægt að fá keypt.