Kýrhausinn
Smelltu hér til að gerast áskrifandi að flokknum Kýrhausinn
Éndurskoðun ráðgjafarþjónustunnar - öll umræða er góð |
24. janúar 2012 22:22 |
Sælir ágætu lesendur !
Danski ráðgjafinn, Ole Kristensen, lagði mikla áherslu á að það færi fram umræða um fyrirhugaðar breytingar á ráðgjafarþjónustunni. Því er umræð meðal þingeyskra kúabænda um málefnið, sem Frigeir formaður greinir hér frá, af hinu góða. Hinsvegar vil ég koma á framfæri leiðréttingu við eitt atriði, sem hann tilgreinir í pistli sínum. Skýrsla Ole og tillaga hans að nýrri skipan ráðgjafarþjónustunnar byggir á víðtækri spurningakönnun og viðtölum, sem hann átti við fjölda stjórnar- og starfsmanna (ráðunauta) búnaðar- og búgreinasambandanna, forsvarsmenn, ráðunauta og starfsmenn BÍ, fulltrúa kjarnfóðurfyrirtækja og mjólkuriðnaðar, samtals rúmlega 60 aðila. Það er á svörum mikils meirihluta þessara aðila sem Ole byggir þegar hann segir ,, - að almennur vilji virðist fyrir hendi bæði hjá ráðunautum og bændum til að ná meiri sérhæfingu og faglegum styrk". Við undirbúning málsins var löggð áhersla á að fá fram viðhorf og sjónarmið sem flestra hagsmunaaðila.
Með góðri kveðju.
Gunnar Guðmundsson, sviðsstjóri ráðgjafarsviðs BÍ. |
|