Eitt af aðalverkefnum Landssambands kúabænda er að sinna markaðsmálum afurðanna og situr t.d. einn fulltrúi LK í sk. Fræðslu- og markaðsnefnd mjólkuriðnaðarins. Í kjölfar skipulagsbreytinga í mjólkuriðnaði hefur FMMI orðið ábyrg fyrir starfseminni gagnvart Samtökum afurðastöðva í mjólkuriðnaði. Í nefndina skulu tilnefndir 4 fulltrúar, þ.a. einn frá Landssambandi kúabænda. Helsta verkefni MMI er kynningarstarfsemi sem byggir undir jákvæð langtímaviðhorf gagnvart mjólkurvörum.

Hvað snertir nautgripakjöt, sér LK um niðurgreiðslur á auglýsingum til þeirra sem auglýsa nautgripakjöt til sölu, auk þess að styrkja sérstaklega þróunarvinnu með nýjungar í nautakjöti. Þá heldur LK úti heimasíðu fyrir neytendur (www.kjot.is) þar sem markmiðið er að koma á framfæri uppskriftum og ýmsum heilræðum varðandi eldun á nautakjöti.

Smelltu hér til að fá nánari upplýsingar um nautakjötsframleiðsluna

Smelltu hér til að fá nánari upplýsingar um mjólkurframleiðsluna

Innkaup á rekstrarvörum er eðlilega gríðarlega stór þáttur í rekstri kúabúa. Af þeim sökum heldur LK úti verðeftirliti á stórum kostnaðarliðum, sem og gerir verðkannanir með óreglubundnum hætti. Hér fyrir neðan má smella á hlekki sem veita aðgengi að upplýsingum sem snúa að rekstrarvörum.